Radio er større enn TV-bloggen

Endring!

2007-04-08T17:17:00.000+02:00

Eg elskar Facebook og har blitt avhengig av internett. Tenker på det heile tida.

Vekas liste.

2007-04-03T00:06:00.000+02:00

Værste TV-innslag:

RedasksjonEN prøvde å lage ein debatt om det her med hundedressur. Det var altså opptil fleire vaksne folk kring eit bord i glass som sat å krangla om korleis dei oppdrog hundane sine.

Det seier vel sitt.

facebook

2007-03-28T00:52:00.000+02:00

Eg har vikla meg inn i facebook. Eg vil ikkje vere med der. Eg har ombestemt meg. Kva skal eg eigentleg med endå ei nettside med krets og mulegheiter for å chatte med folk. Det som er ok er at eg plutseleg har kontakt med folk eg gjekk på skule med i Sveits.

Ein anna ting eg har tenkt på i dag er kor eg har budd opp gjennom livet så langt:
1 år i Førde
3 1/2 år i Naustdal (trur eg)
12 år i Oslo/pluss at eg på ein måte budde på Leikanger (der pappa bur) alle dei åra eg budde i Oslo.
2 år i Sogndal
3 år i Sveits
1 år i England
til saman 6 mnd på Island.
3 1/2 år i Bergen
2 år i Trondheim

Dette tenkte eg på fordi eg var i Sogndal i dag. Eg køyrde forbi skulen min og der mamma hadde kontor.

Miss me?????

2007-03-26T20:03:00.000+02:00

Eg er tilbake på vestlandet. Det er over eit år sidan eg var her sist. Skam, skam...
Eg har tre veker ferie. TRE veker. Og det på eit tidspunkt då ingen andre har ferie. Har mao god tid til sløøøviiiing. DIGG. Gått i pysjen halve dagen i dag. Kjøpte grå tights-pysj på H&M før eg reiste. Den er SCHTØGGGGG (alle valkane mine på låra er synlege). Men den er enormt comfy. Også tok ein lang dusj. Så lang var den at eg brukte ein sånn stor kost og skrubba rygg, armar og lår fri for nuppar. Stemor har ein sånn butterdeig krem som luktar oliven. Men klabbefingrane mine mista heile boksen i dusjgolvet, så eg må hugse å kjøpe ein ny. For nesten alt datt ut.

Eg er altså på besøk hos pappa. Sjukt oppteken mann. Infosjef. Men i dag kom han heim midt i arbeidstida og fiksa heimekontor på kjøkkenet. Det var kos. Han skriev på PC'n og eg las aviser og sånn. Etterpå gjekk vi tur, han med mobilen så klart, men då eg spurte han korleis det gjekk, fekk han tømt seg. 63 år (snart) og alle er skikkeleg avhengige av han. Det er jo kult. Så var eg med han på revyøving med mannskoret. Dei er så søte og flinke. Eg fekk masse oppmerksomheit og vi åt kake og drakk kaffi for dei fekk eldsjelpris i Bergen i går. Eg fekk sett opningnummeret og det var fint. Så måtte eg hjelpe til med å finne rett tone på pianoet når dei skulle synge, og det klarte eg!!!

Ellers, 3 gangar 3 HURRA for Åshild-bestevenninde som fyller 26 år i dag. Hurra!
Ho har faktisk både mann og barn og hus og bil. WoW. Ei av dei få eg kjenner som har komt så langt i prosessen.

GLEDILEG JÓL!

2006-12-23T17:25:00.000+01:00

Tidenes beste julegåvetips ser du under her! Eit hjort/reisndyr gevir. I kosebamsestoff så klart. Gjerne til å ha over senga, då startar dagen med eit smil. Hurra!!
God Jul til alle saman.

Hektiske månader

2006-12-08T12:28:00.000+01:00

Det har vert eit heilt enormt jobbtempo etter at eg kom tilbake frå Island. Livet mitt er jobben og jobben er livet mitt. Eg har hatt store behov for å blogge, men aldri hatt tid til deg. Og når eg hadde tid så var det så masse eg ville sei at ingenting kom ut og ned. Har no rydda litt i bildegalleriet mitt på mobilen. Det er alltid lettare å vise enn å skulle skrive/snakke heile tida:

GIGA TOBLERONEN
Eg ser JÆVLIG sliten ut her, og blei difor eksta lattermild då eg fann denna her enorme tobleronen på Kastrup flyplass i Køben. Eg og søstra mi hadde vert på dagstur til byen. Hehe.

APPELSIN
Min favorittbrus frå Island

SIRI PÅ ISLANDSK RADIO
Våre kollegar i vest:

NRK FEST I TRONDHEIM
Det var godt å kome heim til gode venner. Else, meg og Solveig før stor jobbfest på fint hotell med god middag og drikke:

TRONDHEIM SYMFONIORKESTER
Sammen med rikskonsertane var eg konfransier for ein heil haug med konsertar med tema filmmusikk. Dette bilde tok eg under siste forestilling. Då var eg sliten og letta. TSO er ein gjeng kule folk:

JUL

Det bli lite tid til julekos. Men litt går

Kosekveld

2006-11-25T14:25:00.000+01:00

Det er konsert med Thomas Dybdahl. That great october sound var lenge sånn nesten favoritt CD og eg høyrte masse på den. Eg har jo hatt tusenvis av sjansar til å sjå han før men det har berre ikkje blitt sånn. Men i kveld skal eg det då. I Olavshallen. Thomas har fått sånn flinkis/gæmlis-sjegg, men la gå, det er jo musikken eg er der for å høyre.

Det var liksom det eg hadde å rapportere. Det skjer fint lite sånn ellers. Har bestilt DVD på nett; Angels in America. Då får eg jaffal ein pakke i posten snart og det er jo ikkje så alt for ofte det skjer.

Det er andre ting eg kunne ha skrive også, men då blir det berre negativt og kjedeleg for deg å lese.

Sugarcubes i kveld

2006-11-18T01:41:00.000+01:00

I kveld stod The Sugarcubes på scena på Island. Men ein viktig person mangla.

Meg.

For eg sit i Trondheim. Har drokke to flaskar vin, litt øl og masse lakris og godis. Det er triste greier.

Eg er trøtt...

2006-11-13T18:21:00.002+01:00

...Heile tida.

Brønsj!

2006-11-06T14:33:00.000+01:00

Det beste ein kan finne på å gjere ein grå og litt bakpå søndag er å lage brønsj. Inviter venner til eit kåltbord av ein fest. Det slår ikkje feil og det er forferdeleg kjekt å samlast dagen derpå i staden for å ligge på kvar sin sofa med angst og hovudpine. Kom saman og snakk saman. Oppsummer kvelden før.

Vi serverte bønner, egg, bacon og masse godt pålegg. God stemning.
Siri og Siril tek kanskje ei oppsummering etter gårsdagens spelejobb på Brukbar her. Siri var nemleg DJ og leverte mellom anna ny islandsmusikk, som vi snappa opp når vi var der på festival.

Ellers saknar eg Island no. Det var så godt å vere der igjen. Blir nok garantert å dra oppover igjen neste år.

Reykjavik! the band

2006-10-31T00:05:00.001+01:00

Eg blei veldig sjarmert av desse gutta frå Isafjordur (by nordvest på Island). Bandet heiter Reykjavik! Det starta med ei rå konsert oppleving på Airwaves festivalen torsdag for ei veke sidan og enda i ein veldig hyggeleg prat på Kaffibarinn no på laurdag. Det er heftig og hardt men også stødig og tight.

Sjekk dei ut ved å klikke her Reykjavik!

Med stjerner i augene.

2006-10-30T22:52:00.000+01:00

Både eg og Siri sit på kvar vår pult med kvar vår islandske hettegensar. Vi er tilbake i Norge. Begge like salige frelsa av Island og dei flotte folka vi trefte der. Med stjerner i auga tenker vi tilbake på alle artistane og banda vi rakk å få snakka med. Med lattermild lengsel tilbake til Kaffibarinn eller svarta kaffid, der dei sel suppe i brød, høyrer vi gjennom opptaka våre. Vi kjem med islandske frasar og refererar til situasjonar ingen andre enn berre vi forstår. Vi har opplevd så mykje berre på desse to vekene og no skal vi lage radio av det.

Her er nokre utdrag av det vi opplevde:

1) Eg har kjøpt meg tradisjonell islansk strikkegensar. Lopapeisu. Endeleg etter seks gangar på Island så gjorde eg det. Den er fin.

2) Andre kvelden på kaffibarinn sit vi ein gjeng rundt ein bar midt i rommet. Eg sit på barkrakk og lenar meg over baren for å betre høyre kva kompisen min Gudni seier til meg. Etter ei stund kjenner eg at nokon pikkar meg på skuldra og kviskrar inn i øyret på meg at buksa mi har sige så langt ned at eg visst nok har ei så stor røyrleggarræv at det plagar folk som sit på bordet bak. Ho spør difor om lov til å dra buksa mi opp, og før eg får sagt korkje ja eller nei, tek ho eit godt tak i bukselinninga mi og drar buksa opp. Eg blir jo litt forfjamsa, det skal eg innrømme og gutta rundt meg ler godt men kan berolegge meg med at rumpesprekken ikkje var så ille som dei på bordet bak skulle ha det til.

3) Suppe i brød. Etter å ha vert på hangover party i den Blå Lagune lørdag for ei veke sidan, tek Jørgen og OleK med Siri og meg til ein plass som heiter Svarta Kaffid. Her serverer dei suppa oppi brødet. Eg skal prøve å legge inn bilete av dette seinare. Det er veldig artig mat å ete for du kan ete opp suppeskåla når du er ferdig med suppa.

4) Disco-Pønk museet så klart. Ein av mine venner i Smekkleysa, Olafur, har laga ei utstilling om disco og pønk perioden på Island. Han tok oss med hit og viste oss rundt. Discofolka var glatte, pene, atletiske og hadde masse glitter. Pønkarane hadde skitne dongrijakker, naglebelte, øl på rommet og eit vilt blikkk. Dessutan lagde dei pønkmusik sjølv. Eg kjenner at eg likar pønkarane best.

5) Også hadde jo førarkortet mitt gått ut på dato. Det oppdaga eg når vi skulle leige bil å køyre på tur. Eg visste ikkje at det gjekk an, men noko må ha svikta i prosessen for eg tok jo lappen for berre litt sidan. Jaja, seier kanskje litt om kor lite eg brukar å køyre bil.

6) Sundöll Rekjavikar (Reykjavik svømehall). Her var eg veldig ofte å bada. Svømde litt men sat mest i heitur pottir. Herleg forfriskande og kjende meg som eit nytt menneske etterpå.

7) Då eg skjøna at no var vi blitt ein del av gjengen på Kaffibarinn. Etter å ha snakka med eit band, kom Siri inn i baren. Servitrisa spurde då heilt automatisk: One red and one white! Å DET var koseleg det.

No skal eg snart få prøvd å legge til ein sånn flickr ting, slik at dåke kan få sjå litt bilder også.

sms helsing fraa Airwaves-deltakar som har komt heim til Trondheim:

2006-10-25T17:46:00.000+02:00

"Herregud saa godt aa komme hjem.Jeg lukter som en vannböffel som har forvillet seg inn paa et ysteri.Men FOR en by!Ha en god uke til og takk for hyggelig selskap"

What's hot and what's not in Reykjavik

2006-10-23T18:46:00.000+02:00

I dag var eg utanrikskorrespondent for ShowShow, Else sitt program som. Det var göy og i den anledning har eg laga ei lita liste over mine observasjonar her paa Island.
1) Hornbriller er töft og ser veldog stilig ut. Alle har det her. Eg skal ogsaa faa.
2) Lisseslips, sixpence, bestefarbukser og uniformjakker av typen pilot, militær, skipper etc er in-in-in.
3) Knæsje strömpebuksefargar kombinert med eit skjört med vilt mönster er treeeendy.
4) Pastell og mönstrete tights a la breakdansingstilen fraa 80-taleter paa god fart in.

Observasjonar:
1) Paa cafe: Kaffien blir gjerne servert i staalbörsta termos! Artig, og mykje kaffi for pengane. Her har nordmenn noko aa lære.
2) Alle har med seg laptopen sin paa kafe. Sitter med nasa inn i skjermen heile tida og surfar paa myspace og iTunes.
3) Dei to nemde nettsidene MySpace og iTunes er ENORMT populære her. Eg har gjort mine tankar om at det kanskje er radiotilbodet som ikkje heilt rekker ut til dei yngste bebuarane her. Rikisútvarpið (statskanalen her) har to kanalar; Rás 1 og 2, og det er ingen klar ung profil paa nokre av dei. Berre enkelte program som siktar seg inn paa ny musikk. Andre kanalar er hitstasjonar a la Radio 1 og Kiss FM. Lite indie islandsk musikk aa spore opp der.
4) Folk gaar faktisk mykje i lopapeisu her. Stikkegensaren med dei veldige mönstera er eit kvardagsleg og heil normalt plagg. Unge folk har den ogsaa paa. Kjem ogsaa i jakkeform no.
5) Verdas hyggelegaste maaltid: Suppe i bröd. Ja du faar suppa servert oppi brödet. Veldig triveleg aa ete og kjelda til ein god latter.

....ð..þ.æ=9(7/&%$#"!...

2006-10-22T19:12:00.000+02:00

Söndag, söndag, söndag. Söndagen paa Island er lik alle andre söndagar i alle andre land. Kven sende eg sms til i gaar, og ikkje minst, kva stod det i dei smsane eg skreiv. Lettare hjartebank i dag altsaa.
Eg sette Gonzojournalisikken i högsetet i gaar og drog paa fylla med opptakar. Rockensundergrunnsliv i Reykjavik. Ein ting eg er jævlig glad for er röykelova i Norge. Eg var jo imot den daa den kom sjölv om eg ikkje röykte fast sjölv. Blei for mykje storebror seg deg liksom. Men no, NO kan eg gi Höbraathen ein forsiktig klem. Det stinkar innröykt alkis av alle kleda mine, og klesvask er liksom ikkje det eg legg mest vekt paa her. Sjaa: Hurra meg rundt artikkelen. Gler meg uansett til aa redigere den saka.
Det förste eg gjorde i dag var aa dra aa bade i heitur pottur. Og som Elsemor ville ha sagt, det var Goooooooooo' stemning.

Hurra meg rundt

2006-10-21T12:53:00.000+02:00

IcelandAirwaves: kva gjer ein naar ein har for faa truser med seg. Jo ein brukar bikinien saa klart.

Ja da eg skal vaske kleda mine. Men det er saa masse aa gjere her. I gaar var eg og Siri paa skikkeleg saann bransjetreff. Slaar alle sponsa festar eg har vert paa ned i stövlane. Vodkaen flaut fraa kl seks til ni og det var berre aa bötte ned paa. Bartendaren gav meg like godt to drinkar paa ein gang. Har sett mykje musikk. Skrangle rock med elektrotouch er inn...(for ein meir utfyllande forklaring, les Siri sin blog) Difor var det godt aa faa dra paa skikkeleg rockekonsert i gaar; Minus var KNALL.

Maa gaa skal paa tur til Blaa Lagune med resten av gjengen. Island er digg.

Island i morgon!

2006-10-15T18:15:00.000+02:00

Sit på *"rommet" mitt i Oslo heime hos mamma og Stig. Drikker kaffi og stappar i meg toffifee...mmmmmm. Var på hyggeleg fest i går. Kjekt å sjå folk som av ein eller annan merkeleg grunn syns det er betre å bu i Oslo enn Trondheim. Her er taxikøa milevis lang. Eg var aleine, men heldigvis ikkje så full at det var ubehageleg. Men eg hadde miniskjørt på og det var kalt. Stod i kø i ein time, og det kom berre éin taxi forbi. Eg kraup til korset og ringde mamma. Mamma henta meg kl 04:30 natt til søndag. Ho er heilt fantastisk. Og berre for å setje ord på det du garantert tenker no: Ja, er er KJEMPE bortskjemt. Berre spør søstra mi Andrea.

Uansett, i morgon reiser eg og Siri til Island. Og her sit eg med alle kler, teknisk utstyr og toalettsaker spreidd utover rommet. Eg klarar ikkje ta tak i det. Har sjølvasagt fått reisefeber.

Haustrocken i gang

2006-09-29T11:10:00.000+02:00

Eg har bynt på trommekurs (som i slagverk), Pyro har vert på turne og i går gjekk startskotet for Zoom-turneen. Musikkhausten er i gang og eg ser lysare på tilværet sjølv om dagane blir mørkare og våtare. Etter ein sommar der det meste har handla om samlealbum og sommarhits-album har artistar og band endeleg bynt å sleppe plater. Ektefølt, nytt og ærleg materiale. Kan det bli betre?

Nei.

Hurra!

og brått tok gleda slutt

2006-09-21T16:19:00.000+02:00

Faen for eit surrehove eg er nokre gonger. Som dåke kan sjå på denne sida så er eg i ekstaste over at the sugarcubes skal spele konsert saman igjen. Det er jo berre det at vi reiser ikkje til Island i november, men OKTOBER. Ein "liten" detalj som eg velte å sjå litt vekk frå då eg dansa runst i P1 og P3 sine redaksjonslokaler ropte og smilte og lo. Helvete, helvete, helvete. 17. november spelar dei og eg reiser opp 16.oktober.

Eg har berre orka å seie ifrå til to sykker at eg tok feil. Håpar det berre kokar vekk i kålen.

Uansett eg føler meg litt sånn i dag: "Yea annow!"

MEN blir det først ein reunionkonsert, så har eg eit lite håp om at det ikkje er siste reunionkonsert. Dei var jo svære i England også, kanskje ein liten førjulskonsert i London hadde gjort seg Björk, Magga Stina..hallo?

Så, eg har jo bynt på trommekurs, skal vere der om ein times tid faktisk. Og for dei som vil vere med å starte tributeband til The sugarcubes eller sýkurmálarnir som dei heiter på Island, så er det berre å seie ifrå.

The Sugarcubes til Iceland Airwaves

2006-09-20T17:50:00.000+02:00

Det har vert ein draum, no blir den vekeleg. Eg skal få oppleve The Sugarcubes LIVE. Mailen kom heilt uventa til meg i dag medan eg sat på jobb i regntunge Trondheim sånn rimeleg kaffihøg. Det er 14 år sidan dei stod på scena ilag, gjennombrotet kom med Birthday, men rekka over hits er lang. Dette er herleg islandspønkrock og Björk sitt store gjennombrot. Det er alltid nåkre band ein aldri trur ein skal få oppleve. For meg var det Sugarcubes. Men no ser det ut til å gå vegen.

16. november reiser eg og Siri til Island og skal vere der i to veker.

https://www.smekkleysa.net/

To år har gått

2006-09-02T15:02:00.000+02:00

http://austsida.blogspot.com/2006/09/tiden-flyr.html

Hm...

2006-08-29T17:06:00.000+02:00

Ein mannleg kollega sa til meg i dag at han syns vi to var så like...ja av utsjånad liksom. Dette hadde han tenkt på fleire gonger. I følgje han så hadde vi same type hår, augefarge og ansiktstype. Eg kjenner han sånn passe godt og trur igrunnen eg ikkje skal prøve å tolke det i veldig mange forskjellege retningar, men det er jo ein litt spaca ting å høyre.

Ikkje for det. Spaca ting er bra. Og eg sa til han at vi kanskje eigentleg var søsken. Man han syns heller vi er meir som søskenbarn.

bo-mul

2006-08-27T22:53:00.000+02:00

No er eg på besøk hos Mari. Ho er ekstremt dagen derpå og eg har sove alt for lenge. Trengde selskap og såg litt fotball med Simon og ein kompis av han. På three lions. Men det vart for varmt og klamt. Det er rart kva ein gjer for selskapets skuld ein søndag. Etterpå gjekk eg innom ein fast food restaurant å kjøpte med meg hamburgar, pommes frites og ocla til meg og Mari. No søv Endre på sofaen. God og roleg stemning.

På fredag hadde eg, Else og Rannveig inn/utflyttarfest. Det var masse liv og folk. Gjekk på Blæst og trefte barndomkompis Gunnar. Så gjekk eg berre heim. Våkna i skjørt, topp og smykke.
Livet er ein fest.

Alt for mykje sukker i lunsjen

2006-08-21T13:52:00.000+02:00

Ein liten statusrapport frå Rivedal er no på sin plass: I lunsjen åt eg alt for mykje søtt. To små Troikasjokoladar, to skjever med honning og smør, og den honningen eg ikkje fekk plass til på skjeva, den skrapa eg ut av honninpakken med fingeren min og sutta i meg...kanskje litt udigg, men eg kjenner meg veldig komfortabel med folka eg et lunsj med. Dessutan sa dei andre at det var greit. Til slutt toppa eg heile kalaset med ein kopp kaffi med melk og sukker oppi. No kjenner eg meg litt uvel. Kanskje eg skal ta meg eit grønt eple om ikkje så alt for lenge.

Norge blir fjernt

2006-08-12T18:48:00.000+02:00

No har eg vert i Frankrike i opp til fleire dagar og eg merker at dette likar eg veldig godt. Deilig aa vere i eit internasjonalt miljoe igjen. I dag tok vi bussen til Uzes. Ein liten by i Provence med ein stor marknad. Vi besoekte nokre venner av Andrea, Marit og dattera Maria. Det var tivleg. aat god mat og daffa rundt. Provence kan anbefalast. No skal eg gaa aa ete endaa meir god mat. Kjem heim KEMBO-FEIT

hi-hi

"...husk aa ta med gyldig identifikasjon. For reise til utlandet gjelder kun pass..."

2006-08-09T17:25:00.000+02:00

Eg skapte furore i heimen daa det kom for ein dag at passet det laag nederst i eit flyttelass i Trondheim. Det her var sein ettermiddag dagen foer eg skulle reise til Frankrike. No var det berre aa gjere heilomvending i programmet og reise ned aa faa NOEDPASS. Denne kvelden skulle vi paa foerenhand feire at eg blir 25 aar den 10. august og no hadde eg oedelagt heile opplegget for kven veit vel kor laaaaaang tid det kan ta aa faa tildelt eit noedpass. Eg foelte meg jaevlig kjip som oedela alla sine planar for kvelden. Men slikt skjer berre av og til. Soestra mi Andrea syns ikkje det var morsomt, og at det var liksom ikkje sjarmerande lenger...akkurat som om eg gjorde det med vilje. Har ALDRI gloeymt passet foer, eg. Uansett, saa gjekk det kjempefort aa fikse det ogsaa var det grillings med heile familien laell!!

Dette var det eg fekk til bursdagen:

pengar til baerbar PC
roede camperssko
2 smykker som var kjempefine
ein svart kjole
svenske sokkar (har svigersoester fraa Sverige)
jakke
prikkete veske
og stor fin blautkake med masse jordbaer paa.

Veldig foernoegd:-)

No er eg forresten i France. I Avignon. Det er suuupert og godt og deilig vaer. I kveld er det middagsbesoek hos venner av Andrea. Det er foerste dagen min her saa skriver meir seinare.

Team-Notodden

2006-08-06T19:08:00.000+02:00

Eg har vert fire dagar på Notodden Bluesfestival. Difor blå skrift. Eg har sjølvsagt jobba og det er noko av det kjekkaste eg har vert med på. Eg og Robert lagde festivalradio direkte frå backstage'n, det var hefig og av og til litt skummelt, men på ein sånn god måte. Med verdas beste produsentar: Line og Bjørn Tore så visste eg at eg var i gode hender. Vi blei nett som ein liten familie. Jobba med livet som innsats på dagtid og etter sending var det pizza og øl (eller vin til meg då) Det er kjekt å treffe folk som ein går så godt overeins med både sosialt og jobbmessig. Bluesmusikken har fått ei ny meining for meg og er ikkje så framand for meg lenger.

No har eg ferie og det er digg men litt rart også. Mamma har fiksa grovbrød med heimelaga bringebærsyltetøy (som ho har fått av ei venninde) og eg drikk te med melk og sukker. Det er varmt og har vert det dei sise dagane. Har høyrt på alle høgepunkta til O-fag på P3. Dei går inn i si site veke (bu-hu) i mogon.

Det er rart å ikkje vere i Trondheim, håpar dei ikkje gløymer meg medan eg er i Frankrike. Men, eg har vel berre godt av å komme meg vekk når eg tenker sånn. Og når eg kjem tilbake kan eg bli oppdatert på alt det nye som har skjedd. Det er gøy.
Har forresten flytta inn i ny leilegheit. Rannveig reiser til Armenia i eitt år og då får eg og Else lov til å passe på den flotte og veletablerte kåken hennar.
Skikkeleg TV, steroanlegg, kjøkken, bad, stove, bod, gang og langbord!
No blir det middagsfest hos oss.

Sur la pont d'Avignon...

2006-07-25T18:34:00.000+02:00

Det er ingenting i verda som er meir deilig og behageleg enn å ta ei avgjerd på noko. Det er nettopp det eg har gjort. I går. Då bestemte eg meg for å dra på ferie. Ferie, eit ord ein sjeldan støter på i mitt vokabular, ettersom eg har vert karrierekvinne sidan september 2004. Eg har knapt hatt tid å tenke på verken familien eller kjærleik. Og berre så det er sagt. Eg er så glad i jobben min at du anar ikkje. Eg ser fram til å gå på jobb kvar dag. Det treffer eg folk eg er glad i, der jobbar eg med radio, opptaksutstyr og redigering heile dagen. Ja, det er faktisk akkurat det eg har hatt lyst til heile livet. Men når det er sagt, så merkar eg at det kan vere godt for både meg sjølv og ikkje minst for andre at eg kjem meg litte grande vekk, som mamma seier. Eg har familiens fulle støtte sjølvsagt. Dei trudde vel aldri dagen skulle kome då eg tok til vit å bestemte meg for å ta ein skikkeleg ferie.

Destinasjon Avignon

Eg skal besøke barndomsbestis frå Oslo; Andrea som studerer fransk i Avignon. Vi blei kjent med kvarandre i 1. klasse. Begge hadde rosa kordfløyelsbukse med tjukke striper. Men vi likte kvarandre ikkje første gang vi treftest. Nei, vi var for sta begge to. Men vi fant kvarandre til slutt. Ikkje heilt sikker på korleis, men trur vi begge likte å leike speidar i skogen i friminutta. Dertter blei det pannakaker hos Inger, mormora til Andrea, kvar tirsdag. Ho budde i eit stort, kvitt murhus i Frognerparken. Etterkvart hadde begge skilte foreldre og begge blei vande med å pendle fram og tilbake. Berre at Andrea framleis hadde begge foreldra sine i Holmenkollåsen.

Både eg og Andrea likte oss ikkje særleg på ungdomskulen. Vi hamna begge på Midtstuen som er det nærmaste ein skjærsild eg nokon sinne har kome. Eg gjekk i A og ho gjekk i B. Vi hadde ei dagbok med hengelås på som vi byta på å skrive i. Vi såg for det meste film, film og atter film. "Speed" var ein av favorittane. Eg såg filmen heile 23 1/2 gong. Sidan har eg aldri sett han igjen. Vi skulle flytte til Hollywood å leve livets glade dagar. Ingen av oss hamna i Hollywood og godt er vel igrunnen det. Men vi søkte til utlandet begge to. Det blei England og Sveits med det første.
Og no skal eg besøke Andrea i Avignon. Eg har vert der før ein gong. Då på besøk hos ei anna bestis. Jackie heiter ho og er frå Australia. Historia om henne skal de få ein annan gong.

Det skal bli så gøy. Gler meg masse. Eg har forresten bursdag den 10. august medan eg er der nede og eg blir glad for sms-helsingar.
....oh, no kjendest det som om eg allerie hadde reist og tusla i sanden med nakne tær...men så sit eg framfor dataen i kalde Trondheim.

2006-06-30T15:47:00.000+02:00

Deileg ettermiddag med venner i Ilaparken i Trondheim. Kortbukse og t-skjorte på jobb. Mais og grillspyd på eingangsgrillen. Eg lærer kubbespelreglane medan maten blir varm. Drikk solo.

Går heim i seinsola langs Nidelava med strå i munnen. Stoppar opp og hoppar lengde på bana til idrettshøgskulen. Eg kjem sist av oss tre men det var neimen ikkje langt unna.

Sol i augene.
Sand i sko, truse og BH.

Bommulstøv glir på lufta. Kakao og slarv på Bakklandet. Til slutt traskar eg heim sliten, men på ein sånn god måte du veit.

Det her var ein god dag.

rotehus, vin og nøkkelproblematikk

2006-06-26T14:06:00.000+02:00

Under dei nynorske festspela gjorde eg følgjande:

* Drakk kaffi i Aasen-tunet med venner og kjente. Lina Eide fekk velfortent kulturdepartementet sin journalistpris. Hurra. Mitt radioidol.

* Pludra med 1 månad gamle Anges. Ho er dotter til Christer og Filip og ei kul lita jente. Ho sov søtt på magen min, gulpa på gensaren min og var med på alt frå MålBar og konsertar.

* Budde i legendariske Geila. Eg og Mari hadde heile huset for oss sjølve og vi fekk begge lyst til å studere i Volda. Men berre viss vi fekk bu der. Når vi var på bloggekurs med Olaug, fekk vi prøve dette. Det var gøy. Men veit ikkje om eg verkeleg ønskjer meg tilbake til skulebenken.

* Drakk vin i hagen med St. Hanskrans kring hovudet som eg laga på veg heim frå Vampkonsert.

* Knuste ei heil flaske vin vi skulle kose oss med etter vampkonserten. Flaska sklei ut av veska mi og den søte vin flaut ut over vegen. Like etterpå.....

* Smekka eg døra til Geila igjen bak meg medan nøkkelen og alt anna av verdisaker låg inne i huset. Ved hjelp av sparserstokk fekk Asgeir ( kompisen til Filip som fekk bu i huset ei natt) lirka opp eit vindauge som var litt knust frå før. Ved hjelp av forsiktig banking, opna vidauge seg og Mari og Asgeir kraup inn. Akkurat då kjende eg på den eine kjellardøra som ironisk nok stod open. Vi krabba opp kjellarlemmen, vaklande på tre bildekk.

* Såg Olav Stedje med Radio Røynda i konsert. Det heile toppa seg då Olav sang "Okken bom "...og vesten er av kjøtkaker av kjøtkaker av kjøtkaker og han heiter Okken bom"

* Eg fekk helse på Finn Tokvam og stotra fram at P.I.L.S er favorittprogrammet mitt på P1.
Han var kjempehyggeleg.

* Olaug Nilssen og Gunnhild Øyehaug signerte nr. 1 og 2 av Kraftsentrum. Eg kan anbefale deg å lese "Den nynorske terminalen" forfatta av Frode Grytten og fritt omsett etter filmen "The Terminal" med Tom Hansk og Catheringe Zeta-Jones i hovudrollene.

Og i den ånd avsluttar eg oppusmmeringa mi med å seie som Frode Grytten:

Skru opp natta
Sløkk alle lys
Syng meg i søvn

Kven er sunnhordalandforfattarane?

2006-06-24T19:26:00.000+02:00

Kan nokon fortelje meg kven som høyrer med i sunnhordalandforfattarane?

Maria hylla under dei nynorske festspela

2006-06-23T14:44:00.000+02:00

Eg kjende meg som reine æresgjesten under MålBaren på Ørsta Folkehøgskule i gårkveld. Maria stod i fokus. Og sjølv om det ikkje akkurat var meg det dreia seg om denne kvelden holdt sjølvaste FESTSPELDIKTAREN Olaug Nilssen eit kåseri om maria-musikk og sa følgjande: "alle dei sangane du kan spele til deg sjølv viss du er så heldig å heite Maria"

Og Olaug ho spelte både for meg og dei fleire tusen frammøtte...

Maria Magdalena, Maria av Blondie, “maria, riste forfølgerne av deg, støt din menighet fra deg, løp mot døra og bli fri!” med SKRUK og panfløyteorkesteret Altiplano og Maria-songen frå West side støry

og så vidt meg kjent, var eg den einaste i lokalet med det flotte namnet.

Olaug spelte annan musikk også, men Maria-songane var i samband med bokar hennar "Få meg på for faen". Har du ikkje lese den, må du gjere det. Heilt rå bok og treffer deg på veldig mange måtar. Eg skal ikkje utdjupe det meir, for du må berre lese ho sjølv.

Syden

2006-06-18T14:36:00.000+02:00

Oslo er varm Trondheim er kald. Difor reiste eg. Deileg å komme vekk litt. Trefte Kristin (ei barndomsvenninde frå Sogndal) og kjærasten Geir. Har aldri møtt han før. Fantastisk at dei har funne kvarandre, blir så glad. Dette er for all del ikkje ein blogg som handlar om kjærleik. Nei, her skal vi berre VERE og ikkje sløse vekk tid på alt det problematiske som kjem fram av kjærleiken. Fører alt for myke rot med seg syns eg. Her bloggar eg berre det positive med kjærleiken og når to finn kvarandre og passar så godt ilag som det Kristin og Geir gjer, ja då fortener det ein skål!

Var også på møte i Mediemållaget. Fekk gjort mykje syns eg, vi er på gli. Det kjem eg nærmare tilbake til (seier eg å prøver å gjere meg hemmlegheitsfull, mystisk og interessant)

Men, nok om telt. Resier snart til dei nynorske festspela med Mari. Det blir bra. Skal jaffal få med meg seminaret om språk i nordisk film, bloggekurs med Olaug Nilssen, MålBar, Vamp og IKKJE MINST Tre tylar!!

Ete god mat, og viss det er vær til det, ta på meg den nye kjolen min.

Ein "holete" tilværelse

2006-06-12T15:14:00.000+02:00

Søndag vart eg og Siril heilt tilfeldig huka tak i til eit photo-shoot. Medan vi stotra heimover i bakrus, etter å ha sløva i sola ved elvebredda framfor Nidarosdomen (trønder-idyll), kom ei hyggeleg og forsiktig dame bort å spurde om ho ikkje kunne få ta bilete av oss til kunstprosjektet sitt. Kunstnaren heiter Anne-Karin Furunes og har mellom anna laga dei holete portretta som heng på nasjonalteateret t-banestasjon i hovudstaden. På ein dag då det er umogleg å kjenne seg meir "holete" hadde ho fått tak i dei rette folka. Fotografen brukte ikkje lang tid på å fange dei slitne og fyllesjuke blikka våre. Og kjapt konstaterte kunstnaren at desse bileta kunne ho jammen bruke. Merkeleg korleis ein hamnar opp i dei raraste situasjonar. No ventar vi berre spent på invitasjon til galleriopning med champagne og fingermat.

Det ligg alltid ein fest bak fyllesjuka. Streiken var over, sommaren kom og ny jobb stod på trappa. Såre og betente kjensler skulle ryddast ut av kroppen og kostast godt under teppet. Siri og Rannveig spelte på Blæst, ja det var mildt sagt uendelege unnskyldningar for å ta seg ein real fjortis/sprit fest. Ikkje akkurat kunst, dette då, men fotograf Line Forsmo har definitivt fanga augneblinken og den festlege stemninga. Slik såg det ut:

Rannveig miksar drink medan Siril ventar spent. Sigaretten passa fint på hovudet til Siril syns eg.

Tre gode venner i farta.

Hurra for fest!

STREIK

2006-06-07T16:28:00.000+02:00

NRK gjekk ut i streik onsdag 1.juni kl tre. Eg pakka sakene mine og reiste ilag ein spent P3-gjeng til båtforeininga i Fjordgata 30 her i Trondheim. Vårt streikelokale. NRKNJ, det som i ei veke no har fungerst som vår felles møteplass og for ikkje å snakke om samhaldsplass. Og FOR EIT SAMHALD. Eg har sikkert fått ti nye venner å feste med og gå på kafe med. I morgon blir det quiz som hadde stor suksess førre torsdag med live musikk og god stemning utover kvelden.
NRK-leiinga setter hardt mot hardt og sender dårleg radio, med haugar av repriser (av og med folk som er i streik), åtte år gamle nyheitsbulletinar gjekk for full guffe på P3 førre veke til dømes og Birger og meg sitt UFERDIGE Filmpoliti gjekk jammen meg fredagen.
Til sitt forsvar seier leiarane at det er fokuset på å gi lyttarane eit best mogleg tilbod i desse streiketider!!! Er det mogleg. Kva med å få til ein best mogleg deal med dei som LAGAR programma. Det er jo DET som burde stå i fokus.

HINA

LØNNA MÅ OPP!!!!

Nett-moro

2006-05-29T21:20:00.000+02:00

No er jo eg ganske fersk her. Kjenner to-tre personar som bloggar, og eg veit ikkje korleis eg skal legge til linkar til dei. Mari skal lære meg korleis eg kan legge til f. eks Filip sin blogg. Siri har også ein blogg, ho har også eit eige radioprogram. Tune inn og lytt til Siri si ekstremt radiovennlege stemme gi deg det beste og ferskaste innan norsk musikk i Urørt på P3.

Radiokuddor!

2006-05-29T20:44:00.000+02:00

Denne bloggen her har ei dårleg mor. Eg har vert elendig til å oppdatere han. No, derimot, vert det andre bollar.
I helga var eg, for fyrste gong, på handletur til Sverige. Eg syns slettes ikkje det var så forferdeleg harry. Men kanskje det er mindre flaut å dra til skibygda Åre, 2 1/2 time frå Trondheim, enn over Svinesund. Systembolaget vart rett nok for mykje for meg. Rannveig og Kaja, mine to travellin' companions, hadde stålkontroll på kvote i øl, sprit og vin. klokka var tre på to, og bolaget stenger to! Dei to storma inn i butikken, medan eg lurte mest på om vi kanskje fekk bot viss vi kom så seint inn og helt fram med legge flasker i korga. Ved sprithylla eitt minutt på to, knakk eg saman, og enda opp med ei einase flaske kvitvin til 60kr...Det blir for mykje stress. Eg vil jo berre ha litt vin.

Men dagens desidert BESTE kjøp. Var RadioKuddan. Ei lita pute, ja ei ekte kosepute, forma som ein RADIO. Det var kjærleik ved fyrste blikk. Og kjærleiken vart, om mogleg, endå større då han faktisk FUNKA som ein vanleg radio. For nokre år sidan, prøvde eg å samle på songar som hadde "radio" i seg, eller som handla om radio, men prosjektet kokte vekk i kålen. No tenker eg å samle på ting forma som radio. No har eg pute. Det neste håpar eg blir ein kopp.

2005-10-03T01:17:00.000+02:00

2005-10-03T00:42:00.000+02:00

Dette er fyrste gong eg skriv blogg. Mari er ei av dei få eg kjenner som bloggar, difor den fine linken.

For 10 år sidan...
var eg 14 år gamal, gjekk i åttande klasse på Midtstuen Ungdomsskole i Holmenkollåsen i Oslo. Alle gjekk i "fruit of the loom" gensar og innsydde Levi's bukser. Eg var tidleg "moden" og gøymde kroppen i X-Lagre T- og flanellskjorter. Som eit resultat av intens hårfarging (rødt), såg (og kjentes) håret mitt ut som ei høysåte. Søstra mi tagg og ba om å få gjere ein make-over på meg, men eg nekta. Eg sat bakerst i klasserommet og fniste og kniste med Rune. Saman laga vi små teikneseriestriper på veggen med blyant, ikkje med pen. For vi var berre litt uskikkelege. Eg likte engelsk, norsk, drama og friminutt. Digga Green Day, såg mykje TV og film. Skravla ein heil del. Og hang stort sett med vener.

For 5 år sidan...
var eg 19. Eg gjekk siste året på College International Brillantmont i Sveits. For ei tid. Dagen starta kl åtte med to like lite inspirerande timar med fransk grammatikk. Kvar dag. Medan det einaste som stod i hovudet på meg var FEST og VENNER. 16-års aldersgrense på det meste av alkohol. Stakkars lærarar. Men eg hadde teke til vet, og farga håret lyst igjen. Sveitsarane er gamalmodige og sære. Det var lett å bruke skittne triks, og som jente kom eg inn på alt av barar og dico. "J'etait une jeune fille norvegienne" og kjende meg eksotisk. Eg møtte min store kjærleik, John B. Eg byrja tenke på framtida, og innsåg at ei batchlor-grad i Biologi, kanskje ikkje var heilt meg allikevel. Det vart djeveløya Island i staden.

For 1 år sidan...
Budde eg i Førde. Eg var så stolt fordi eg hadde kome inn på nynorskmediesenter . Journalistdraumen var eit steg nærmare røynda (...som er norsk og tyder verkelegheit). Eg tok både Valgerd Svarstad Haugland og Odd Nordstoga i handa. Eg redigerte radio og TV (prøvde TV iallefall) og åt raspeball med kollegar og vener på NRK Sogn og Fjordane kvar torsdag. Eg budde i eit kollektiv med nesten ikkje noko lys, og det regna samanhengande i fire månader. Eg hadde ein fast date med Vestlandsrevyen (som er landets BESTE distriktssending) og Dagsrevyen kvar dag.

No...
Bur eg i Trondheim og jobbar eg i P3. Eg har verdas beste jobb, og har nådd eit av mange mål her i livet. Trondheim har til ganske nyleg vore ein einaste lang fest...no byrjar eg vakne frå rusen. Det er litt skummelt, men det er fint å sjå at eg byrjer få ein kvardag. Ting fell på plass.

...meeeeen det er vel berre ENN so lenge. For eg er rastlaust.